sun kar main jurm chup tha gunahgar ki tarah

sun kar maiñ jurm chup thā gunahgār kī tarah

luknat zabāñ meñ aa ga.ī mai-ḳhvār kī tarah

vo kaisī sub.h thī ki tulū'-e-sahar ke baa'd

sūraj kā chehrā lagtā thā bīmār kī tarah

haañ us kī dāstān bahut dil-ḳharāsh thī

ḳhāmosh thā jo sāya-e-dīvār kī tarah

rukne kā naam bhī nahīñ lete the vo kabhī

ahl-e-junūñ the vaqt kī raftār kī tarah

maqtal se teġh dār-o-rasan se salīb se

mujh ko hai pyaar kūcha-e-dildār kī tarah

ham tīra-baḳht aap hī kahiye kahāñ se laa.eñ

shaukat jalāl shaan vo sarkār kī tarah

uupar se dekhne meñ haiñ mānind-e-koh ham

andar se ek ret kī dīvār kī tarah

ai rabb-e-zul-jalāl amaañ pā.ūñ to kahūñ

ye 'umr kaT ga.ī kisī nādār kī tarah

sun kar main jurm chup tha gunahgar ki tarah

luknat zaban mein aa gai mai-KHwar ki tarah

wo kaisi subh thi ki tulu'-e-sahar ke ba'd

suraj ka chehra lagta tha bimar ki tarah

han us ki dastan bahut dil-KHarash thi

KHamosh tha jo saya-e-diwar ki tarah

rukne ka nam bhi nahin lete the wo kabhi

ahl-e-junun the waqt ki raftar ki tarah

maqtal se tegh dar-o-rasan se salib se

mujh ko hai pyar kucha-e-dildar ki tarah

hum tira-baKHt aap hi kahiye kahan se laen

shaukat jalal shan wo sarkar ki tarah

upar se dekhne mein hain manind-e-koh hum

andar se ek ret ki diwar ki tarah

ai rabb-e-zul-jalal aman paun to kahun

ye 'umr kaT gai kisi nadar ki tarah