sun rakha tha tajraba lekin ye pahla tha mera
sun rakhā thā tajraba lekin ye pahlā thā mirā
jab kisī ke naam par be-vaj.h dil dhaḌkā mirā
ik uchaTtī sī nazar us par ga.ī aur yuuñ lagā
kho gayā jaise kahīñ harf-e-tamannā sā mirā
ishq meñ maiñ bhī bahut mohtāt thā sab jhuuT hai
aur ye sābit kar gayā kal raat kā ronā mirā
ek harf-e-haq kī tā-nok-e-zabāñ aamad magar
maslahat ḳhāmoshī aur āmannā-saddaqnā mirā
apne mehvar par zamīñ aa.e to lamha bhar sahī
der se ḳhālī paḌā hai ḳhāka-e-duniyā mirā
sun rakha tha tajraba lekin ye pahla tha mera
jab kisi ke nam par be-wajh dil dhaDka mera
ek uchaTti si nazar us par gai aur yun laga
kho gaya jaise kahin harf-e-tamanna sa mera
ishq mein main bhi bahut mohtat tha sab jhuT hai
aur ye sabit kar gaya kal raat ka rona mera
ek harf-e-haq ki ta-nok-e-zaban aamad magar
maslahat KHamoshi aur aamanna-saddaqna mera
apne mehwar par zamin aae to lamha bhar sahi
der se KHali paDa hai KHaka-e-duniya mera
Source:
Kitab Gumrah Kar Rahi Hai (Pg. 52)
- Author: Shahram Sarmadi
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
