suna hai aaj saba mushk-bar aai hai

sunā hai aaj sabā mushk-bār aa.ī hai

bahut dinoñ meñ shab-e-intizār aa.ī hai

kalī kalī ke tabassum se ḳhanda-e-gul tak

fazā chaman kī kise sāzgār aa.ī hai

ye kyā ki ḳhanda-e-gul kā tilism TuuT gayā

hañsī laboñ pe jo be-iḳhtiyār aa.ī hai

chaTak rahī haiñ ye kis ke ḳhayāl kī kaliyāñ

ki dhaḌkanoñ kī sadā baar baar aa.ī hai

nigāh-e-shauq agar jalva-gāh tak 'nashtar'

pa.e-qarār ga.ī be-qarār aa.ī hai

suna hai aaj saba mushk-bar aai hai

bahut dinon mein shab-e-intizar aai hai

kali kali ke tabassum se KHanda-e-gul tak

faza chaman ki kise sazgar aai hai

ye kya ki KHanda-e-gul ka tilism TuT gaya

hansi labon pe jo be-iKHtiyar aai hai

chaTak rahi hain ye kis ke KHayal ki kaliyan

ki dhaDkanon ki sada bar bar aai hai

nigah-e-shauq agar jalwa-gah tak 'nashtar'

pae-qarar gai be-qarar aai hai