suna hai chup ki bhi koi pukar hoti hai

sunā hai chup kī bhī koī pukār hotī hai

ye bad-gumānī mujhe baar baar hotī hai

ḳhayāl-o-ḳhvāb kī duniyā sarāb kī duniyā

nazar faqīr kī parde ke paar hotī hai

azāb-e-dīda koī rañg sīñchte kaise

ḳhizāñ-gazīdgī āshufta-bār hotī hai

maiñ apne hisse ke manzar ujālne se rahā

ye āgahī to bahut dil-figār hotī hai

umiid hī se zamāne meñ shād-kāmī hai

yahī vo shāḳh hai jo sāya-dār hotī hai

ye raat mātamī malbūs hī meñ jachtī thī

ye raat hī to hameñ pursa-dār hotī hai

maiñ jī rahā huuñ to jiine kā hausla dekho

ye zaḳhm-koshī taġhāful-shi.ār hotī hai

suna hai chup ki bhi koi pukar hoti hai

ye bad-gumani mujhe bar bar hoti hai

KHayal-o-KHwab ki duniya sarab ki duniya

nazar faqir ki parde ke par hoti hai

azab-e-dida koi rang sinchte kaise

KHizan-gazidgi aashufta-bar hoti hai

main apne hisse ke manzar ujalne se raha

ye aagahi to bahut dil-figar hoti hai

umid hi se zamane mein shad-kaami hai

yahi wo shaKH hai jo saya-dar hoti hai

ye raat matami malbus hi mein jachti thi

ye raat hi to hamein pursa-dar hoti hai

main ji raha hun to jine ka hausla dekho

ye zaKHm-koshi taghaful-shiar hoti hai