sunā ham ko aate jo andar se bāhar
phire ulTe pairoñ bāhar se bāhar
kaḌī meñ na de saath yār-e-dilī tak
sharar choT khā kar ho patthar se bāhar
yūñhī kal-adam ham miyān-e-lahad the
miTāyā nishāñ us pe Thokar se bāhar
na kar harza-gardī jo zī-ābrū hai
nikaltā nahīñ aa.ina ghar se bāhar
jināñ se huī muddat aadam ko nikle
vatan se huuñ maiñ zindagī-bhar se bāhar
vo mahrūm-e-daulat huuñ bargashta qismat
uḌe ḳhaak ghar meñ jo hū barse bāhar
miTe gardish-e-baḳht kyā lāġharoñ kī
na ho kāh-e-girdāb chakkar se bāhar
laḌāte jo ho 'shād' se ghar meñ āñkheñ
nazar Daalo ham par bhī tevar se bāhar
suna hum ko aate jo andar se bahar
phire ulTe pairon bahar se bahar
kaDi mein na de sath yar-e-dili tak
sharar choT kha kar ho patthar se bahar
yunhi kal-adam hum miyan-e-lahad the
miTaya nishan us pe Thokar se bahar
na kar harza-gardi jo zi-abru hai
nikalta nahin aaina ghar se bahar
jinan se hui muddat aadam ko nikle
watan se hun main zindagi-bhar se bahar
wo mahrum-e-daulat hun bargashta qismat
uDe KHak ghar mein jo hu barse bahar
miTe gardish-e-baKHt kya lagharon ki
na ho kah-e-girdab chakkar se bahar
laDate jo ho 'shad' se ghar mein aankhen
nazar Dalo hum par bhi tewar se bahar
Source:
Sukhan-e-Bemisal: Deewan-e-Shad (pdf) and website (Pg. p-41 e-47 pdf-48)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.