suna kisi ne na girya-e-muKHtasar hamara

sunā kisī ne na girya-e-muḳhtasar hamārā

huā hai chhalnī chhanan chhanan se jigar hamārā

ye zard vahshat hamāre bātin meñ ras ga.ī hai

tavīl muddat se ham pe haavī hai Dar hamārā

tire qabīle se jang laḌ ke shahīd hoñge

kaTā huā hī milegā tujh ko ye sar hamārā

sabhī manāzil pe jā ke vāpas palaT rahe haiñ

ki rā.egāñ jā rahā hai har ik safar hamārā

chahār jānib pahāḌ mastī se jhūmte hoñ

hasīn shādāb vādiyoñ meñ ho ghar hamārā

huī nahīñ hai kisī taraf se bhī ajnabiyyat

huā thā in jangaloñ se pahle guzar hamārā

ḳhabar milī hai vafā kī sarhad pe mar gayā hai

vo ik sipāhī jo thā bahut mo'atabar hamārā

kareñ to kis tarah baat ash.ār pe hamāre

khulā nahīñ hai kisī pe ab tak hunar hamārā

suna kisi ne na girya-e-muKHtasar hamara

hua hai chhalni chhanan chhanan se jigar hamara

ye zard wahshat hamare baatin mein ras gai hai

tawil muddat se hum pe hawi hai Dar hamara

tere qabile se jang laD ke shahid honge

kaTa hua hi milega tujh ko ye sar hamara

sabhi manazil pe ja ke wapas palaT rahe hain

ki raegan ja raha hai har ek safar hamara

chahaar jaanib pahaD masti se jhumte hon

hasin shadab wadiyon mein ho ghar hamara

hui nahin hai kisi taraf se bhi ajnabiyyat

hua tha in jangalon se pahle guzar hamara

KHabar mili hai wafa ki sarhad pe mar gaya hai

wo ek sipahi jo tha bahut mo'atabar hamara

karen to kis tarah baat ashaar pe hamare

khula nahin hai kisi pe ab tak hunar hamara