suni hai raushni ke qatl ki jab se KHabar maine

Suroor Ambalvi

suni hai raushni ke qatl ki jab se KHabar maine

Suroor Ambalvi

MORE BYSuroor Ambalvi

    sunī hai raushnī ke qatl jab se ḳhabar maiñ ne

    charāġhoñ taraf dekhā nahīñ hai lauT kar maiñ ne

    farāz-e-dār se apnoñ ke chehre ḳhud pahchāne

    faqīh-e-shahr ko jaanā nahīñ hai mo'tabar maiñ ne

    bhalā sūraj tarf kaun dekhe kis meñ himmat hai

    tire chehre pe Daalī nahīñ ab tak nazar maiñ ne

    yaqīnan āñdhiyoñ ne aa liyā kūñjoñ Dāroñ ko

    ki ḳhūñ-ālūda dekhe haiñ fazā meñ bāl-o-par maiñ ne

    tumhāre ba.ad maiñ ne phir kisī ko bhī nahīñ dekhā

    nahīñ hone diyā ālūda dāmān-e-nazar maiñ ne

    hazāroñ ārzūeñ rah ga.iiñ gard-e-safar ho kar

    sajā rakkhī hai palkoñ pe vahī gard-e-safar maiñ ne

    dam-e-ruḳhsat mirī palkoñ pe do qatre the ashkoñ ke

    kiyā hai zindagānī ke safar ko muḳhtasar maiñ ne

    maiñ apne ghar meñ ḳhud apnoñ se baazī haar baiThā huuñ

    abhī sīkhā nahīñ apnoñ meñ rahne hunar maiñ ne

    'surūr-ambālvī' apne dil meñ us ko paayā hai

    jise ik umr tak āvāz hai dar-ba-dar maiñ ne

    suni hai raushni ke qatl ki jab se KHabar main ne

    charaghon ki taraf dekha nahin hai lauT kar main ne

    faraaz-e-dar se apnon ke chehre KHud hi pahchane

    faqih-e-shahr ko jaana nahin hai mo'tabar main ne

    bhala suraj ki tarf kaun dekhe kis mein himmat hai

    tere chehre pe Dali hi nahin ab tak nazar main ne

    yaqinan aandhiyon ne aa liya kunjon ki Daron ko

    ki KHun-aluda dekhe hain faza mein baal-o-par main ne

    tumhaare baad main ne phir kisi ko bhi nahin dekha

    nahin hone diya aaluda daman-e-nazar main ne

    hazaron aarzuen rah gain gard-e-safar ho kar

    saja rakkhi hai palkon pe wahi gard-e-safar main ne

    dam-e-ruKHsat meri palkon pe do qatre the ashkon ke

    kiya hai zindagani ke safar ko muKHtasar main ne

    main apne ghar mein KHud apnon se bazi haar baiTha hun

    abhi sikha nahin apnon mein rahne ka hunar main ne

    'surur-ambaalwi' apne hi dil mein us ko paya hai

    jise ek umr tak aawaz di hai dar-ba-dar main ne

    Source
    • Book : Pakistani Adab (Pg. 513)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY