aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

suniye payam-e-shams-o-qamar raqs kijiye

Muzaffar Ali Syed

suniye payam-e-shams-o-qamar raqs kijiye

Muzaffar Ali Syed

MORE BYMuzaffar Ali Syed

    suniye payām-e-shams-o-qamar raqs kījiye

    is dā.ere meñ shām-o-sahar raqs kījiye

    pākīzgī fazā tarannum nasīm

    kyā chāñdnī hai pichhle pahar raqs kījiye

    taalī bajā rahe haiñ shagūfe na.e na.e

    āvāz de rahe haiñ shajar raqs kījiye

    kyā chhup-chhupā ke chhat ke tale naach meñ mazā

    uryāñ nikal ke dar se badar raqs kījiye

    chāhtā hai aaj farishtoñ se bhī kahūñ

    parvāz kyā hai khīñch ke par raqs kījiye

    fursat nahīñ faqīh ko zar talāsh se

    mutlaq na kiije ḳhauf-o-ḳhatar raqs kījiye

    gar iztirār qābil-e-tāzīr hai to ho

    hai apne bas meñ ḳhair na shar raqs kījiye

    dozaḳh jalā ke dard aur āgahī aag

    donoñ ke darmiyān utar raqs kījiye

    tanhā.iyoñ ke giit na sab ko sunā.iye

    paañv milā ke joḌ ke sar raqs kījiye

    mat pūchhiye ki pyaar anjām kyā huā

    pyārā chalā gayā hai kidhar raqs kījiye

    mānind-e-qais ret na sahrā chhāniye

    kis ko milī hai kis ḳhabar raqs kījiye

    kiije tavāf-e-kūcha-e-jānāñ ko tez-tar

    muzmar hai is meñ sair-o-safar raqs kījiye

    'sayyad' qarār ko to paḌī hai tamām umr

    ik aur bhī ġhazal hai agar raqs kījiye

    suniye payam-e-shams-o-qamar raqs kijiye

    is daere mein sham-o-sahar raqs kijiye

    pakizgi faza ki tarannum nasim ka

    kya chandni hai pichhle pahar raqs kijiye

    tali baja rahe hain shagufe nae nae

    aawaz de rahe hain shajar raqs kijiye

    kya chhup-chhupa ke chhat ke tale nach mein maza

    uryan nikal ke dar se badar raqs kijiye

    ji chahta hai aaj farishton se bhi kahun

    parwaz kya hai khinch ke par raqs kijiye

    fursat nahin faqih ko zar ki talash se

    mutlaq na kije KHauf-o-KHatar raqs kijiye

    gar iztirar qabil-e-tazir hai to ho

    hai apne bas mein KHair na shar raqs kijiye

    dozaKH jala ke dard ka aur aagahi ki aag

    donon ke darmiyan utar raqs kijiye

    tanhaiyon ke git na sab ko sunaiye

    panw mila ke joD ke sar raqs kijiye

    mat puchhiye ki pyar ka anjam kya hua

    pyara chala gaya hai kidhar raqs kijiye

    manind-e-qais ret na sahra ki chhaniye

    kis ko mili hai kis ki KHabar raqs kijiye

    kije tawaf-e-kucha-e-jaanan ko tez-tar

    muzmar hai is mein sair-o-safar raqs kijiye

    'sayyad' qarar ko to paDi hai tamam umr

    ek aur bhi ghazal hai agar raqs kijiye

    Source:

    Funoon(Jadeed Ghazal Number: Volume-002) (Pg. 231)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now