suno ek baat ajib si ki na ghaib tha na huzur tha

suno ek baat 'ajīb sī ki na ġhaib thā na huzūr thā

jo thā mere dil ke qarīb-tar vo mirī nigāh se duur thā

vo jo merī bazm se chal diye to nazar khulī kī khulī rahī

magar ek shor bapā rahā ki jo shor-e-yaum-e-nushūr thā

mujhe apne shauq pe naaz thā ye pata chalā ki fareb thā

jise maiñ samajhtā thā bandagī vo mirī ḳhatā thī qusūr thā

jo maiñ haal dil kā bayāñ karūñ mujhe aisā mauqa' kahāñ milā

vo jo mere dil kā thā aa.ina vo nigāh-e-nāz se chuur thā

mujhe daaġh de ke chalā gayā mire dil meñ ghaav lagā gayā

vo jo mere dil kā surūr thā vo jo merī aañkh kā nuur thā

suno ek baat 'ajib si ki na ghaib tha na huzur tha

jo tha mere dil ke qarib-tar wo meri nigah se dur tha

wo jo meri bazm se chal diye to nazar khuli ki khuli rahi

magar ek shor bapa raha ki jo shor-e-yaum-e-nushur tha

mujhe apne shauq pe naz tha ye pata chala ki fareb tha

jise main samajhta tha bandagi wo meri KHata thi qusur tha

jo main haal dil ka bayan karun mujhe aisa mauqa' kahan mila

wo jo mere dil ka tha aaina wo nigah-e-naz se chur tha

mujhe dagh de ke chala gaya mere dil mein ghaw laga gaya

wo jo mere dil ka surur tha wo jo meri aankh ka nur tha