sunoge mujhse mera majra kya

sunoge mujh se merā mājrā kyā

kahā karte haiñ afsānoñ meñ kyā kyā

nahīñ tashvīsh-e-ā.inda ki ho kab

guzishta kā tahayyur hai ki thā kyā

na kar taftīsh hai ḳhalvat-nashīñ kaun

ta.ammul kar ki hai ye barmalā kyā

hai ik ā.īna-ḳhāna bazm-e-kasrat

batā.ūñ ġhair kis ko mā-sivā kyā

faqat mazkūr hai ik nisbat-e-ḳhās

muqaddar hai ḳhabar kyā mubtadā kyā

jahāñ naqsh-e-qadam ho rūh-e-qudsī

vahāñ pahuñchegī aql-e-nā-rasā kyā

lagā.ūñ shai.an-lillāh kī sadā kyuuñ

bhulā duuñ yaf.alullāh-mā-yashā kyā

sunoge mujh se mera majra kya

kaha karte hain afsanon mein kya kya

nahin tashwish-e-ainda ki ho kab

guzishta ka tahayyur hai ki tha kya

na kar taftish hai KHalwat-nashin kaun

tammul kar ki hai ye barmala kya

hai ek aaina-KHana bazm-e-kasrat

bataun ghair kis ko ma-siwa kya

faqat mazkur hai ek nisbat-e-KHas

muqaddar hai KHabar kya mubtada kya

jahan naqsh-e-qadam ho ruh-e-qudsi

wahan pahunchegi aql-e-na-rasa kya

lagaun shaian-lillah ki sada kyun

bhula dun yafalullah-ma-yasha kya