suragh mujhse milega na raunaq-e-shab ka

surāġh mujh se milegā na raunaq-e-shab kā

charāġh to huuñ magar bujh chukā huuñ maiñ kab kā

kahūñ zamīn to vo āsmāñ samajhtā hai

kabhī khulā hī nahīñ aadmī hai kis Dhab kā

ajiib Dhañg se thī justajū-e-zīst mujhe

piyāla jaise koī tishna garmi-e-lab kā

ḳhayāl-e-yār ke parde meñ ranj-e-duniyā thā

sunā gayā hai kuchh aisā hī qissa ham sab kā

uThe jo mahfil-e-duniyā se to huā ma.alūm

ki dāġhdār hai dāman yahāñ to ham sab kā

kiyā hai jis ne mujhe dar-ba-dar vo 'ġhāfil' hai

ki maiñ varaq huuñ isī ālam-e-murattab kā

suragh mujh se milega na raunaq-e-shab ka

charagh to hun magar bujh chuka hun main kab ka

kahun zamin to wo aasman samajhta hai

kabhi khula hi nahin aadmi hai kis Dhab ka

ajib Dhang se thi justaju-e-zist mujhe

piyala jaise koi tishna garmi-e-lab ka

KHayal-e-yar ke parde mein ranj-e-duniya tha

suna gaya hai kuchh aisa hi qissa hum sab ka

uThe jo mahfil-e-duniya se to hua malum

ki daghdar hai daman yahan to hum sab ka

kiya hai jis ne mujhe dar-ba-dar wo 'ghafil' hai

ki main waraq hun isi aalam-e-murattab ka