surKHi badan mein rang-e-wafa ki thi kuchh dinon

surḳhī badan meñ rañg-e-vafā kī thī kuchh dinoñ

tāsīr ye bhī us kī duā kī thī kuchh dinoñ

DhūñDe se us ke naqsh ulajhte the aur bhī

hālat tamām karb-o-balā kī thī kuchh dinoñ

kāġhaz pe thā likhā huā har harf-e-lab-kushā

tahrīr jism-e-saut-o-sadā kī thī kuchh dinoñ

shāḳhoñ pe koñpaloñ ko zabāneñ atā huiiñ

ye dilbarī bhī dast-e-sabā kī thī kuchh dinoñ

dil-sozi-e-vafā ko shakebā.ī kī atā

shā.istagī ye rañg-e-hinā kī thī kuchh dinoñ

ab hai kudūratoñ kā khulā dasht aur maiñ

chāhat tamām terī razā kī thī kuchh dinoñ

kaifiyat-e-nashāt thī ḳhud hī se guftugū

'nāhīd' ye ridā bhī hayā kī thī kuchh dinoñ

surKHi badan mein rang-e-wafa ki thi kuchh dinon

tasir ye bhi us ki dua ki thi kuchh dinon

DhunDe se us ke naqsh ulajhte the aur bhi

haalat tamam karb-o-bala ki thi kuchh dinon

kaghaz pe tha likha hua har harf-e-lab-kusha

tahrir jism-e-saut-o-sada ki thi kuchh dinon

shaKHon pe konpalon ko zabanen ata huin

ye dilbari bhi dast-e-saba ki thi kuchh dinon

dil-sozi-e-wafa ko shakebai ki ata

shaistagi ye rang-e-hina ki thi kuchh dinon

ab hai kuduraton ka khula dasht aur main

chahat tamam teri raza ki thi kuchh dinon

kaifiyat-e-nashat thi KHud hi se guftugu

'nahid' ye rida bhi haya ki thi kuchh dinon