surma-e-muft-e-nazar hun meri qimat ye hai

surma-e-muft-e-nazar huuñ mirī qīmat ye hai

ki rahe chashm-e-ḳharīdār pe ehsāñ merā

ruḳhsat-e-nāla mujhe de ki mabādā zālim

tere chehre se ho zāhir ġham-e-pinhāñ merā

ḳhalvat-e-ābila-e-pā meñ hai jaulāñ merā

ḳhuuñ hai dil tañgi-e-vahshat se bayābāñ merā

zauq-e-sarshār se be-parda hai tūfāñ merā

mauj-e-ḳhamyāza hai har zaḳhm numāyāñ merā

'aish-bāzī-kada-e-hasrat jāved-rasā

ḳhūn-e-ādīna se rangīñ hai dabistāñ merā

hasrat-e-nashsha-e-vahshat na ba-sa.i-e-dil hai

arz-e-ḳhamiyāza-e-majnūñ hai garebāñ merā

'ālam-e-be-sar-o-sāmānī-e-fursat mat pūchh

langar-e-vahshat-e-majnūñ hai bayābāñ merā

be-dimāġh tapish-e-rashk huuñ ai jalva-e-husn

tishna-e-ḳhūn-e-dil-o-dīda hai paimāñ merā

fahm zanjīrī-e-be-rabtī-e-dil hai yā-rab

kis zabāñ meñ hai laqab ḳhvāb-e-pareshāñ merā

ba-havas-e-dard-e-sar-e-ahl-e-salāmat tā-chand

mushkil-e-ishq huuñ matlab nahīñ āsāñ merā

bū-e-yūsuf mujhe gulzār se aatī thī 'asad'

dai ne barbād kiyā pairahanistāñ merā

surma-e-muft-e-nazar hun meri qimat ye hai

ki rahe chashm-e-KHaridar pe ehsan mera

ruKHsat-e-nala mujhe de ki mabaada zalim

tere chehre se ho zahir gham-e-pinhan mera

KHalwat-e-abila-e-pa mein hai jaulan mera

KHun hai dil tangi-e-wahshat se bayaban mera

zauq-e-sarshaar se be-parda hai tufan mera

mauj-e-KHamyaza hai har zaKHm numayan mera

'aish-bazi-kada-e-hasrat jawed-rasa

KHun-e-adina se rangin hai dabistan mera

hasrat-e-nashsha-e-wahshat na ba-sai-e-dil hai

arz-e-KHamiyaza-e-majnun hai gareban mera

'alam-e-be-sar-o-samani-e-fursat mat puchh

langar-e-wahshat-e-majnun hai bayaban mera

be-dimagh tapish-e-rashk hun ai jalwa-e-husn

tishna-e-KHun-e-dil-o-dida hai paiman mera

fahm zanjiri-e-be-rabti-e-dil hai ya-rab

kis zaban mein hai laqab KHwab-e-pareshan mera

ba-hawas-e-dard-e-sar-e-ahl-e-salamat ta-chand

mushkil-e-ishq hun matlab nahin aasan mera

bu-e-yusuf mujhe gulzar se aati thi 'asad'

dai ne barbaad kiya pairahanistan mera