suraj ke ham-safar hain hamari umang ye
sūraj ke ham-safar haiñ hamārī umañg ye
aur sāmne hamāre hai kaalī surañg ye
merī tarah ye dil ke lahū meñ nahā.e haiñ
be-vaj.h to nahīñ hai gulāboñ kā rañg ye
is ma.arke meñ kaam jo ham aa ga.e to kyā
jaarī rahegī ba.ad hamāre bhī jañg ye
ik lams mil gayā thā mujhe tere dhyān kā
ab umr-bhar utarne nahīñ dūñgā rañg ye
sharminda huuñ na dost muzir is liye huuñ maiñ
aate haiñ dushmanoñ kī taraf hī se sañg ye
aa.ī huī giraft meñ hai gard-bād kī
ab jañgaloñ meñ jā ke giregī patañg ye
ra.anā.iyāñ ajiib sī haiñ yād-e-yār meñ
ḳhushbū ye ḳhushbuoñ meñ hai rañgoñ meñ rañg ye
suraj ke ham-safar hain hamari umang ye
aur samne hamare hai kali surang ye
meri tarah ye dil ke lahu mein nahae hain
be-wajh to nahin hai gulabon ka rang ye
is marke mein kaam jo hum aa gae to kya
jari rahegi baad hamare bhi jang ye
ek lams mil gaya tha mujhe tere dhyan ka
ab umr-bhar utarne nahin dunga rang ye
sharminda hun na dost muzir is liye hun main
aate hain dushmanon ki taraf hi se sang ye
aai hui giraft mein hai gard-baad ki
ab jangalon mein ja ke giregi patang ye
ranaiyan ajib si hain yaad-e-yar mein
KHushbu ye KHushbuon mein hai rangon mein rang ye
Source:
Rooh-e-Ghazal,Pachas Sala Intekhab (Pg. 788)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
