suraj ko kya pata hai kidhar dhup chahiye
sūraj ko kyā pata hai kidhar dhuup chāhiye
āñgan baḌā hai apne bhī ghar dhuup chāhiye
ā.īne TuuT TuuT ke bikhre haiñ chār-sū
DhūñDeñge aks aks magar dhuup chāhiye
bhīge hue paroñ se to uḌne na pā.eñge
kāTūñ na un parindoñ ke par dhuup chāhiye
ham se darīda-pairahan-o-jāñ ke vāste
yāqūt chāhiye na guhar dhuup chāhiye
sūraj na jaane kaun sī vaadī meñ chhup gayā
aur chīḳhtī phire hai sahar dhuup chāhiye
ik niiñd hai ki aañkh se lag kar nikal ga.ī
ab raat kā tavīl safar dhuup chāhiye
paanī pe chāhe naqsh banā.e koī 'matīn'
kāġhaz pe maiñ banā.ūñ magar dhuup chāhiye
suraj ko kya pata hai kidhar dhup chahiye
aangan baDa hai apne bhi ghar dhup chahiye
aaine TuT TuT ke bikhre hain chaar-su
DhunDenge aks aks magar dhup chahiye
bhige hue paron se to uDne na paenge
kaTun na un parindon ke par dhup chahiye
hum se darida-pairahan-o-jaan ke waste
yaqut chahiye na guhar dhup chahiye
suraj na jaane kaun si wadi mein chhup gaya
aur chiKHti phire hai sahar dhup chahiye
ek nind hai ki aankh se lag kar nikal gai
ab raat ka tawil safar dhup chahiye
pani pe chahe naqsh banae koi 'matin'
kaghaz pe main banaun magar dhup chahiye
Source:
Rooh-e-Ghazal,Pachas Sala Intekhab (Pg. 730)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
