surat se wo bezar hai malum nahin kyun
sūrat se vo bezār hai ma.alūm nahīñ kyuuñ
dil phir bhī talabgār hai ma.alūm nahīñ kyuuñ
har shaḳhs ko baḳhshī ga.ī tam.īz-e-bad-o-nek
har-shaḳhs ziyāñ-kār hai ma.alūm nahīñ kyuuñ
ik chiiz ki sarmāya-e-rāhat hai use log
kahte haiñ ki āzār hai ma.alūm nahīñ kyuuñ
pattā bhī agar hiltā hai to us kī razā se
aur banda gunahgār hai ma.alūm nahīñ kyuuñ
dīñ-dār hai zāhid kī zabāñ bhī mirā dil bhī
phir muft kī takrār hai ma.alūm nahīñ kyuuñ
surat se wo bezar hai malum nahin kyun
dil phir bhi talabgar hai malum nahin kyun
har shaKHs ko baKHshi gai tamiz-e-bad-o-nek
har-shaKHs ziyan-kar hai malum nahin kyun
ek chiz ki sarmaya-e-rahat hai use log
kahte hain ki aazar hai malum nahin kyun
patta bhi agar hilta hai to us ki raza se
aur banda gunahgar hai malum nahin kyun
din-dar hai zahid ki zaban bhi mera dil bhi
phir muft ki takrar hai malum nahin kyun
Source:
Kufr-o-iman (Pg. 67)
- Author: Hari chand Akhtar
-
- Publisher: Satpaal, kucha Khakan Urdu Bazar- Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
