syah shab ki udas aankhon mein nur hoga zarur hoga

syaah shab kī udaas āñkhoñ meñ nuur hogā zarūr hogā

use añdhere se dostī par ġhurūr hogā zarūr hogā

ye marhala bhī hai is masāfat meñ terā rasta kahīñ nahīñ hai

to bañd āñkhoñ se koī rasta zuhūr hogā zarūr hogā

ye rabt TuuTā nahīñ hai āḳhir kahā-sunī se to baat kyā hai

hameñ to lagtā hai zabt kā sab qusūr hogā zarūr hogā

ye rahbarī hai ye rahzanī hai ye kaisī afvāheñ uḌ rahī haiñ

ye ishq sīdhā sā ishq-e-kāmil huzūr hogā zarūr hogā

yahī hai lā-hāsilī hamārī yahī faqat hāsilī rahegī

jab ishq ko hī tū kah rahā hai futūr hogā zarūr hogā

vo ik taḳhallus jo ek va.ade ke chalte ham ne chhupā.e rakkhā

hamārī ġhazloñ se us kā charchā zarūr hogā zarūr hogā

vo ik tasavvur hai jo mayassar hai vasl ho kar sarāpā mujh ko

vo ik tasavvur jo jism hogā to duur hogā zarūr hogā

syah shab ki udas aankhon mein nur hoga zarur hoga

use andhere se dosti par ghurur hoga zarur hoga

ye marhala bhi hai is masafat mein tera rasta kahin nahin hai

to band aankhon se koi rasta zuhur hoga zarur hoga

ye rabt TuTa nahin hai aaKHir kaha-suni se to baat kya hai

hamein to lagta hai zabt ka sab qusur hoga zarur hoga

ye rahbari hai ye rahzani hai ye kaisi afwahen uD rahi hain

ye ishq sidha sa ishq-e-kaamil huzur hoga zarur hoga

yahi hai la-hasili hamari yahi faqat hasili rahegi

jab ishq ko hi tu kah raha hai futur hoga zarur hoga

wo ek taKHallus jo ek wade ke chalte hum ne chhupae rakkha

hamari ghazlon se us ka charcha zarur hoga zarur hoga

wo ek tasawwur hai jo mayassar hai wasl ho kar sarapa mujh ko

wo ek tasawwur jo jism hoga to dur hoga zarur hoga