tab ko aaftab mein dekha

taab ko āftāb meñ dekhā

aab mauj-e-sarāb meñ dekhā

rū-e-zebā-e-yār ko ham ne

shaiḳh jī ke naqāb meñ dekhā

rang-e-bechūñ-o-bechagonī ko

misl-e-dariyā habāb meñ dekhā

ek nukte meñ bahr-e-ilm jahāñ

tere ruḳh kī kitāb meñ dekhā

mujh meñ is tarah to hai poshīda

jaise bū ko gulāb meñ dekhā

ḳhvesh-o-begāna kī ḳhabar na rahī

tum ko jaise ki ḳhvāb meñ dekhā

terī mastī-e-ishq meñ saaqī

jism jām-e-sharāb meñ dekhā

barq kahte haiñ ai 'qamar' jis ko

vahī jalva itaab meñ dekhā

tab ko aaftab mein dekha

aab mauj-e-sarab mein dekha

ru-e-zeba-e-yar ko hum ne

shaiKH ji ke naqab mein dekha

rang-e-bechun-o-bechagoni ko

misl-e-dariya habab mein dekha

ek nukte mein bahr-e-ilm jahan

tere ruKH ki kitab mein dekha

mujh mein is tarah to hai poshida

jaise bu ko gulab mein dekha

KHwesh-o-begana ki KHabar na rahi

tum ko jaise ki KHwab mein dekha

teri masti-e-ishq mein saqi

jism jam-e-sharab mein dekha

barq kahte hain ai 'qamar' jis ko

wahi jalwa itab mein dekha