taj-e-zarrin na koi masnad-e-shahi mangun

Arman Najmi

taj-e-zarrin na koi masnad-e-shahi mangun

Arman Najmi

MORE BYArman Najmi

    tāj-e-zarrīñ na koī masnad-e-shāhī māñgūñ

    maiñ to bas apne hone gavāhī māñgūñ

    mujh ko suqrāt mansab nahīñ hāsil karnā

    kyā maiñ sach bol ke apnī tabāhī māñgūñ

    haar jā.ūñgā to miTTī ke qadam chūmūñgā

    girtī dīvār se kyā pusht-panāhī māñgūñ

    zeb detā hai mire tan pe faqīrī libās

    kisī darbār se kyā ḳhil.at-e-jāhī māñgūñ

    merī vahshat ko ye sahrā masāfat kam hai

    sair ke vāste kuchh aur fazā māñgūñ

    tīrgī meñ abhī itnā to nahīñ Duubā huuñ

    ki na.e din ke ḳhazāne se bhī syāhī māñgūñ

    taj-e-zarrin na koi masnad-e-shahi mangun

    main to bas apne hi hone ki gawahi mangun

    mujh ko suqraat ka mansab nahin hasil karna

    kya main sach bol ke apni hi tabahi mangun

    haar jaunga to miTTi ke qadam chumunga

    girti diwar se kya pusht-panahi mangun

    zeb deta hai mere tan pe faqiri ka libas

    kisi darbar se kya KHilat-e-jahi mangun

    meri wahshat ko ye sahra ki masafat kam hai

    sair ke waste kuchh aur faza hi mangun

    tirgi mein abhi itna to nahin Duba hun

    ki nae din ke KHazane se bhi syahi mangun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY