taKHir thi chaman mein faqat tere pair ki

tāḳhīr thī chaman meñ faqat tere pair kī

ḳhushbū ne sā.atoñ meñ zamānoñ kī sair kī

bhejā gayā hai jalte hue shahr meñ mujhe

aur hukm hai ki lā.ūñ ḳhabar koī ḳhair kī

qudrat suḳhan-sarā.ī pe kaisī ki ham ne to

ye chaah kar na kī kabhī chāhe baġhair kī

āñkhoñ meñ tab se gaḌ ga.e be-ḳhvābiyoñ ke tiir

jab se fasīl TuuT ga.ī shab-ba-ḳhair kī

kyoñ rang niilā paḌ gayā sun kar ye aap se

kyoñ zahr lag ga.ī mujhe tārīf ġhair kī

ik dāstān-e-talḳh ba-pairāya-e-latīf

ai sāhibān-e-sher ġhazal hai 'zubair' kī

taKHir thi chaman mein faqat tere pair ki

KHushbu ne saaton mein zamanon ki sair ki

bheja gaya hai jalte hue shahr mein mujhe

aur hukm hai ki laun KHabar koi KHair ki

qudrat suKHan-sarai pe kaisi ki hum ne to

ye chah kar na ki kabhi chahe baghair ki

aankhon mein tab se gaD gae be-KHwabiyon ke tir

jab se fasil TuT gai shab-ba-KHair ki

kyon rang nila paD gaya sun kar ye aap se

kyon zahr lag gai mujhe tarif ghair ki

ek dastan-e-talKH ba-pairaya-e-latif

ai sahiban-e-sher ghazal hai 'zubair' ki