takid hai ki dida-e-dil wa kare koi
tākīd hai ki dīda-e-dil vā kare koī
matlab ye hai ki duur se dekhā kare koī
aate hī tere vāda-e-fardā kā e'tibār
ghabrā ke mar na jaa.e to phir kyā kare koī
vo jalva be-hijāb sahī zid kā kyā ilaaj
jab dil meñ rah ke aañkh se parda kare koī
kahte haiñ husn hī kī amānat hai dard-e-ishq
ab kyā kisī ke ishq kā daavā kare koī
ḳhālī hai bazm-e-zauq-talab ahl-e-hosh se
itnā nahīñ ki terī tamannā kare koī
vo dard de ki maut bhī jis kī davā na ho
is dil ko maut de jise achchhā kare koī
'fānī' duā-e-marg kī takrār kyā zarūr
ġhāfil nahīñ ki un se taqāzā kare koī
takid hai ki dida-e-dil wa kare koi
matlab ye hai ki dur se dekha kare koi
aate hi tere wada-e-farda ka e'tibar
ghabra ke mar na jae to phir kya kare koi
wo jalwa be-hijab sahi zid ka kya ilaj
jab dil mein rah ke aankh se parda kare koi
kahte hain husn hi ki amanat hai dard-e-ishq
ab kya kisi ke ishq ka dawa kare koi
KHali hai bazm-e-zauq-talab ahl-e-hosh se
itna nahin ki teri tamanna kare koi
wo dard de ki maut bhi jis ki dawa na ho
is dil ko maut de jise achchha kare koi
'fani' dua-e-marg ki takrar kya zarur
ghafil nahin ki un se taqaza kare koi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.