talluq tark karne se mohabbat kam nahin hoti

ta.alluq tark karne se mohabbat kam nahīñ hotī

bhaḌaktī hai ye ātish din-ba-din maddham nahīñ hotī

nibhānā āshnā.ī kar ke mushkil to nahīñ lekin

kisī se bhī mohabbat nā-gahāñ yak-dam nahīñ hotī

tumhārī soch par haiñ munhasir rañgīniyāñ dil kī

ye mahfil bevafā.ī se kabhī darham nahīñ hotī

utar jaa.e jo puurā imtihān-o-āzmā.ish meñ

vo chashm-e-dil kabhī phir āñsuoñ se nam nahīñ hotī

zamāna chāhe jitne rang-o-ruḳh badle haqīqat meñ

niDartā mard-e-maidāñ mom kī mariyam nahīñ hotī

ajab dastūr hai abrār is duniyā-e-be-par kā

shikasta-rañg pattoñ par fidā shabnam nahīñ hotī

talluq tark karne se mohabbat kam nahin hoti

bhaDakti hai ye aatish din-ba-din maddham nahin hoti

nibhana aashnai kar ke mushkil to nahin lekin

kisi se bhi mohabbat na-gahan yak-dam nahin hoti

tumhaari soch par hain munhasir ranginiyan dil ki

ye mahfil bewafai se kabhi darham nahin hoti

utar jae jo pura imtihan-o-azmaish mein

wo chashm-e-dil kabhi phir aansuon se nam nahin hoti

zamana chahe jitne rang-o-ruKH badle haqiqat mein

niDarta mard-e-maidan mom ki mariyam nahin hoti

ajab dastur hai abrar is duniya-e-be-par ka

shikasta-rang patton par fida shabnam nahin hoti