tāroñ meñ chhup ga.e ki guloñ meñ nihāñ rahe
merī nazar ne DhūñDh liyā tum jahāñ rahe
guzre hue zamāne kā kuchh to nishāñ rahe
gar āshiyāñ nahīñ to ġham-e-āshiyāñ rahe
ye aur baat hai ki nazar se nihāñ rahe
lekin vo saath saath rahe ham jahāñ rahe
us ko kisī maqām pe mahdūd kyuuñ karo
kaun-o-makāñ banā ke bhī jo lā-makāñ rahe
ik naqsh-e-mustaqil vo zamāne meñ bin ga.e
jo be-niyāz-e-ḳhvāhish-e-nām-o-nishāñ rahe
kyuuñ kar yaqīñ kareñ ki jahāñ meñ ḳhushī bhī hai
ham ko to ġham ne gher liyā ham jahāñ rahe
nām-o-nishāñ ke vāste martā hai kyuuñ bashar
jo sāhab-e-nishāñ the kab un ke nishāñ rahe
kahtā hai ye guloñ kā tabassum bahut samajh
duniyā meñ do-ghaḌī bhī agar shādmāñ rahe
'shārib' jamāl-e-dost kā parda to rah gayā
achchhā huā hijāb-e-nazar darmiyāñ rahe
taron mein chhup gae ki gulon mein nihan rahe
meri nazar ne DhunDh liya tum jahan rahe
guzre hue zamane ka kuchh to nishan rahe
gar aashiyan nahin to gham-e-ashiyan rahe
ye aur baat hai ki nazar se nihan rahe
lekin wo sath sath rahe hum jahan rahe
us ko kisi maqam pe mahdud kyun karo
kaun-o-makan bana ke bhi jo la-makan rahe
ek naqsh-e-mustaqil wo zamane mein bin gae
jo be-niyaz-e-KHwahish-e-nam-o-nishan rahe
kyun kar yaqin karen ki jahan mein KHushi bhi hai
hum ko to gham ne gher liya hum jahan rahe
nam-o-nishan ke waste marta hai kyun bashar
jo sahab-e-nishan the kab un ke nishan rahe
kahta hai ye gulon ka tabassum bahut samajh
duniya mein do-ghaDi bhi agar shadman rahe
'shaarib' jamal-e-dost ka parda to rah gaya
achchha hua hijab-e-nazar darmiyan rahe
Source:
Firdaus-e-Nazar (Pg. 32)
-
Author:
Sultan Haider Khan
-
- Publisher: Urdu Acadami U.P
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.