tab-e-hassas meri Khaar hui jati hai

tab-e-hassās mirī ḳhaar huī jaatī hai

be-hisī ishrat-e-kirdār huī jaatī hai

ye ḳhamoshī ye ghulāvaT ye bichhaḌte hue rañg

shaam ik dard bharā pyaar huī jaatī hai

aur bārīk kiye jaatā huuñ maiñ mū-e-qalam

tez-tar sozan-e-iz.hār huī jaatī hai

kuchh to sach bol ki dil se ye girāñ bojh haTe

zindagī jhuuT kā tūmār huī jaatī hai

jāda-e-fan se guzarnā bhī kashākash hai tamām

raah ḳhud raah kī dīvār huī jaatī hai

soch kī dhuup meñ jal uThne ko jī chāhtā hai

apne lafzoñ se bhī ab aar huī jaatī hai

ziist yuuñ shaam ke lamhoñ se guzartī hai kabhī

ḳhud-ba-ḳhud sharh-e-ġham-e-yār huī jaatī hai

kam se kam phūñk hī de bujhtī huī raakh meñ 'sāz'

āḳhirī saañs bhī be-kār huī jaatī hai

tab-e-hassas meri KHar hui jati hai

be-hisi ishrat-e-kirdar hui jati hai

ye KHamoshi ye ghulawaT ye bichhaDte hue rang

sham ek dard bhara pyar hui jati hai

aur barik kiye jata hun main mu-e-qalam

tez-tar sozan-e-izhaar hui jati hai

kuchh to sach bol ki dil se ye giran bojh haTe

zindagi jhuT ka tumar hui jati hai

jada-e-fan se guzarna bhi kashakash hai tamam

rah KHud rah ki diwar hui jati hai

soch ki dhup mein jal uThne ko ji chahta hai

apne lafzon se bhi ab aar hui jati hai

zist yun sham ke lamhon se guzarti hai kabhi

KHud-ba-KHud sharh-e-gham-e-yar hui jati hai

kam se kam phunk hi de bujhti hui rakh mein 'saz'

aaKHiri sans bhi be-kar hui jati hai