aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tab-e-raushan ko meri kuchh is tarah bhai ghazal

Zafar Kaleem

tab-e-raushan ko meri kuchh is tarah bhai ghazal

Zafar Kaleem

MORE BYZafar Kaleem

    tab-e-raushan ko mirī kuchh is tarah bhaa.ī ġhazal

    jab bhī maiñ tanhā huā huuñ mujh ko yaad aa.ī ġhazal

    jab bhī din Duubā huī fikr-e-suḳhan lāhaq mujhe

    shaam hote mire sāġhar meñ dar aa.ī ġhazal

    yaad jab aa.e mujhe bichhḌe hue sāthī mire

    kāñpte hoñToñ har silvaT pe lahrā.ī ġhazal

    phuul āñkhoñ meñ añgāre liye phirtā huuñ maiñ

    raat bhar sone kahāñ detī hai harjā.ī ġhazal

    rañg sochoñ ke bikhar jaate haiñ ehsāsāt par

    zehn meñ shā.er ke jab letī hai añgḌā.ī ġhazal

    nā-gahāñ logoñ ne dil merā dikhāyā to mujhe

    yuuñ lagā goyā mire dukh bāñTne aa.ī ġhazal

    mujh ko yaad aayā bahut vo nā-murād-e-ishq 'mīr'

    dil ke tāroñ par 'zafar' mutrib ne jab gaa.ī ġhazal

    tab-e-raushan ko meri kuchh is tarah bhai ghazal

    jab bhi main tanha hua hun mujh ko yaad aai ghazal

    jab bhi din Duba hui fikr-e-suKHan lahaq mujhe

    sham hote hi mere saghar mein dar aai ghazal

    yaad jab aae mujhe bichhDe hue sathi mere

    kanpte honTon ki har silwaT pe lahrai ghazal

    phul si aankhon mein angare liye phirta hun main

    raat bhar sone kahan deti hai harjai ghazal

    rang sochon ke bikhar jate hain ehsasat par

    zehn mein shaer ke jab leti hai angDai ghazal

    na-gahan logon ne dil mera dikhaya to mujhe

    yun laga goya mere dukh banTne aai ghazal

    mujh ko yaad aaya bahut wo na-murad-e-ishq 'mir'

    dil ke taron par 'zafar' mutrib ne jab gai ghazal

    Source:

    Nawa-e-harf-e-khamoosh (Pg. 123)

    • Author: Zafar Kaleem
      • Edition: 2007
      • Publisher: Zafar Kaleem
      • Year of Publication: 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now