tabassum lab par āñkhoñ meñ namī hai
ḳhudā jaane ye ġham hai yā ḳhushī hai
jo manzil aaj ahl-e-hosh kī hai
vo dīvānoñ kī Thukrā.ī huī hai
kahāñ jaa.e thakā-māñda musāfir
tū hī saaya tū hī dīvār bhī hai
hazāroñ haiñ sukūn-e-dil ke sāmāñ
ye duniyā phir bhī ghabrā.ī huī hai
añdhere chhū nahīñ sakte haiñ mujh ko
ki mere saath terī raushnī hai
zabāñ kah de to ik hañgāma ho jaa.e
nazar ma.alūm kyā kyā dekhtī hai
na jaane kab tirā dāman chhuā thā
magar hāthoñ meñ ab tak thartharī hai
vo begāna hai utnā zindagī se
jaise jitnā shu.ūr zindagī hai
jafāoñ ne hazāroñ rañg badle
vafā apnī jagah par aaj bhī hai
chalo ai zimma-dārān-e-mohabbat
farāz-e-dār par phir raushnī hai
mire simTe hue dāman ko 'shārib'
baḌī hairat se duniyā dekhtī hai
tabassum lab par aankhon mein nami hai
KHuda jaane ye gham hai ya KHushi hai
jo manzil aaj ahl-e-hosh ki hai
wo diwanon ki Thukrai hui hai
kahan jae thaka-manda musafir
tu hi saya tu hi diwar bhi hai
hazaron hain sukun-e-dil ke saman
ye duniya phir bhi ghabrai hui hai
andhere chhu nahin sakte hain mujh ko
ki mere sath teri raushni hai
zaban kah de to ek hangama ho jae
nazar malum kya kya dekhti hai
na jaane kab tera daman chhua tha
magar hathon mein ab tak tharthari hai
wo begana hai utna zindagi se
jaise jitna shuur zindagi hai
jafaon ne hazaron rang badle
wafa apni jagah par aaj bhi hai
chalo ai zimma-daran-e-mohabbat
faraaz-e-dar par phir raushni hai
mere simTe hue daman ko 'shaarib'
baDi hairat se duniya dekhti hai
Source:
Firdaus-e-Nazar (Pg. 101)
-
Author:
Sultan Haider Khan
-
- Publisher: Urdu Acadami U.P
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.