tabsira yun na mere haal pe itna hota
tabsira yuuñ na mire haal pe itnā hotā
us ko nazdīk se duniyā ne jo dekhā hotā
koī marte hue lamhoñ kā masīhā hotā
karb tanhā.ī kā ehsās na itnā hotā
ye jo aahaT kī tarah saath mire rahtā hai
ban ke tasvīr kabhī sāmne aayā hotā
de gayā jo mujhe tapte hue lamhoñ kā gudāz
kaash vo dard mire vāste tanhā hotā
maiñ ki jaisā huuñ ba-har-hāl nazar meñ aatā
mujh ko ehsās kī nazroñ se to dekhā hotā
aisā lagtā hai dobārā na milegā mujh se
is tarah TuuT ke vo yaad na aayā hotā
kyā milā jaag ke batlā.īye 'shabnam'-sāhab
is se achchhā thā koī ḳhvāb hī dekhā hotā
tabsira yun na mere haal pe itna hota
us ko nazdik se duniya ne jo dekha hota
koi marte hue lamhon ka masiha hota
karb tanhai ka ehsas na itna hota
ye jo aahaT ki tarah sath mere rahta hai
ban ke taswir kabhi samne aaya hota
de gaya jo mujhe tapte hue lamhon ka gudaz
kash wo dard mere waste tanha hota
main ki jaisa hun ba-har-haal nazar mein aata
mujh ko ehsas ki nazron se to dekha hota
aisa lagta hai dobara na milega mujh se
is tarah TuT ke wo yaad na aaya hota
kya mila jag ke batlaiye 'shabnam'-sahab
is se achchha tha koi KHwab hi dekha hota
Source:
Rooh-e-Ghazal,Pachas Sala Intekhab (Pg. 237)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
