taDap to aaj bhi kuchh kam nahin hai
taDap to aaj bhi kuchh kam nahin hai
Gorbachan Singh Dayal Maghmum
MORE BYGorbachan Singh Dayal Maghmum
taḌap to aaj bhī kuchh kam nahīñ hai
magar ye chashm ab pur-nam nahīñ hai
hue jab fart-e-ġham se ḳhushk aañsū
vo ye samjhe ki mujh ko ġham nahīñ hai
dhuāñ sā ik uThā kartā hai dil meñ
tirī yaad aah ab bhī kam nahīñ hai
vo rāheñ bhī koī rāheñ haiñ yaaro
ki jin meñ koī pech-o-ḳham nahīñ hai
ravāñ huuñ yuuñ to ab bhī sū-e-manzil
qadam uThte haiñ lekin dam nahīñ hai
bhalā vo zindagī kyā zindagī hai
ḳhushī ke saath jis meñ ġham nahīñ hai
huā ḳhāmosh ye 'maġhmūm' kaise
hai nā-mumkin ki us ko ġham nahīñ hai
taDap to aaj bhi kuchh kam nahin hai
magar ye chashm ab pur-nam nahin hai
hue jab fart-e-gham se KHushk aansu
wo ye samjhe ki mujh ko gham nahin hai
dhuan sa ek uTha karta hai dil mein
teri yaad aah ab bhi kam nahin hai
wo rahen bhi koi rahen hain yaro
ki jin mein koi pech-o-KHam nahin hai
rawan hun yun to ab bhi su-e-manzil
qadam uThte hain lekin dam nahin hai
bhala wo zindagi kya zindagi hai
KHushi ke sath jis mein gham nahin hai
hua KHamosh ye 'maghmum' kaise
hai na-mumkin ki us ko gham nahin hai
Source:
SAAZ-O-NAVA (Pg. 250)
-
- Publisher: Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
