taDapte hain rihai ko anokhe dam ke aansu

taḌapte haiñ rihā.ī ko anokhe daam ke aañsū

ye palkoñ kī hirāsat meñ dil-e-nākām ke aañsū

ufuq se tā-ufuq phailī hai kaisī bebasī yā-rab

sahar ke surḳh aariz par haiñ Dhaltī shaam ke aañsū

rifāqat zahr lagtī hai sabhī ko pyaas bujhne par

sar-e-mahfil koī dekhe chhalakte jaam ke aañsū

ye donoñ ek se namkīñ haiñ donoñ ek se ġhamgīñ

kisī muflis kī beTī ke kisī mādām ke aañsū

na tark-e-āshiyāñ karte na ḳhud ko be-amāñ karte

chale kyoñ aañkh se ḳhvāboñ kī unglī thaam ke aañsū

azal se gardishoñ meñ haiñ sitāre apnī qismat ke

hameñ āġhāz-e-ulfat par mile anjām ke aañsū

taDapte hain rihai ko anokhe dam ke aansu

ye palkon ki hirasat mein dil-e-nakaam ke aansu

ufuq se ta-ufuq phaili hai kaisi bebasi ya-rab

sahar ke surKH aariz par hain Dhalti sham ke aansu

rifaqat zahr lagti hai sabhi ko pyas bujhne par

sar-e-mahfil koi dekhe chhalakte jam ke aansu

ye donon ek se namkin hain donon ek se ghamgin

kisi muflis ki beTi ke kisi madam ke aansu

na tark-e-ashiyan karte na KHud ko be-aman karte

chale kyon aankh se KHwabon ki ungli tham ke aansu

azal se gardishon mein hain sitare apni qismat ke

hamein aaghaz-e-ulfat par mile anjam ke aansu