tadbir hamare milne ki jis waqt koi Thahraoge tum

tadbīr hamāre milne kī jis vaqt koī Thahrāoge tum

ham aur chhupeñge yahāñ tak jī jo ḳhuub hī phir ghabrāoge tum

bezār karoge dil ham se yā minnat-e-dar se rokoge

vo dil to hamāre bas meñ hai kis taur use samjhāoge tum

gir jādū-mantar sīkhoge to sehr hamārī nazroñ kā

is kūche meñ biThlāve. phir kahiye kyūñkar aaoge tum

gar chhup kar dekhne aaoge ham apne bālā-ḳhāne ke

sab parde chhoḌe rakkheñge phir kyūñkar dekhne pāoge tum

gar jādū-mantar sīkhoge to sahar hamārī nazroñ kā

tāsīr ko us kī kho degā kuchh pesh nahīñ le jāoge tum

tasvīr agar mañgvāoge to dekh hamārī sūrat ko

hairān musavvir hovegā phir rañg kaho kyā lāoge tum

jo vaqt 'nazīr' in bātoñ kī ham ḳhuub kareñge hushyārī

jo harf zabāñ par lāoge tum phir kyūñkar dikhlāoge tum

tadbir hamare milne ki jis waqt koi Thahraoge tum

hum aur chhupenge yahan tak ji jo KHub hi phir ghabraoge tum

bezar karoge dil hum se ya minnat-e-dar se rokoge

wo dil to hamare bas mein hai kis taur use samjhaoge tum

gir jadu-mantar sikhoge to sehr hamari nazron ka

is kuche mein biThlawe phir kahiye kyunkar aaoge tum

gar chhup kar dekhne aaoge hum apne baala-KHane ke

sab parde chhoDe rakkhenge phir kyunkar dekhne paoge tum

gar jadu-mantar sikhoge to sahar hamari nazron ka

tasir ko us ki kho dega kuchh pesh nahin le jaoge tum

taswir agar mangwaoge to dekh hamari surat ko

hairan musawwir howega phir rang kaho kya laoge tum

jo waqt 'nazir' in baaton ki hum KHub karenge hushyari

jo harf zaban par laoge tum phir kyunkar dikhlaoge tum