taghaful be-niyazi ka gila kafi nahin hai

taġhāful be-niyāzī kā gilā kaafī nahīñ hai

mirā rasta hī roko ab sadā kaafī nahīñ hai

ye gahrī kaalī āñkheñ dekh to kyā kah rahī haiñ

inheñ pāband rakhne ko vafā kaafī nahīñ hai

tumhāre kāsa-e-ulfat meñ kuchh sikke uchhāle

tumhārā dil lubhāyā ye sila kaafī nahīñ hai?

zamīnī baat hai Thahregī āḳhir justujū par

hamesha saath rahne kī duā kaafī nahīñ hai

nibhānā hai bahar-sūrat ye kārobār-e-duniyā

ki ishq-o-āshiqī kā silsila kaafī nahīñ hai

chalo achchhā huā raftār to kam ho ga.ī par

bichhaḌ jaane ko ab bhī fāsla kaafī nahīñ hai

jamāl-e-kā.enātī mo.ajiza hai husn-e-kun kā

yahāñ par irtiqā kā falsafa kaafī nahīñ hai

taghaful be-niyazi ka gila kafi nahin hai

mera rasta hi roko ab sada kafi nahin hai

ye gahri kali aankhen dekh to kya kah rahi hain

inhen paband rakhne ko wafa kafi nahin hai

tumhaare kasa-e-ulfat mein kuchh sikke uchhaale

tumhaara dil lubhaya ye sila kafi nahin hai?

zamini baat hai Thahregi aaKHir justuju par

hamesha sath rahne ki dua kafi nahin hai

nibhana hai bahar-surat ye karobar-e-duniya

ki ishq-o-ashiqi ka silsila kafi nahin hai

chalo achchha hua raftar to kam ho gai par

bichhaD jaane ko ab bhi fasla kafi nahin hai

jamal-e-kaenati moajiza hai husn-e-kun ka

yahan par irtiqa ka falsafa kafi nahin hai