taghaful tera go gawara na tha

taġhāful tirā go gavāra na thā

tire bin hamārā guzārā na thā

bharī bazm meñ go pukārā na thā

nazar se magar kab ishāra na thā

baḌe bā-vafā the mire yaar sab

musībat meñ jab tak pukārā na thā

lab-e-nāḳhudā pe thā nām-e-ḳhudā

ki jab dastaras meñ kinārā na thā

shab-e-vasl thā bas yahī ik malāl

ki bas meñ sahar kā sitārā na thā

rahā zindagī se 'sadā' ye gila

ki daur-e-javānī dubāra na thā

taghaful tera go gawara na tha

tere bin hamara guzara na tha

bhari bazm mein go pukara na tha

nazar se magar kab ishaara na tha

baDe ba-wafa the mere yar sab

musibat mein jab tak pukara na tha

lab-e-naKHuda pe tha nam-e-KHuda

ki jab dastaras mein kinara na tha

shab-e-wasl tha bas yahi ek malal

ki bas mein sahar ka sitara na tha

raha zindagi se 'sada' ye gila

ki daur-e-jawani dubara na tha