tahayyur hai bala ka ye pareshani nahin jati
tahayyur hai balā kā ye pareshānī nahīñ jaatī
ki tan dhakne pe bhī jismoñ kī uryānī nahīñ jaatī
yahāñ ahd-e-hukūmat ijz kā kis taur aa.egā
ki tāj-o-taḳht kī fitrat se sultānī nahīñ jaatī
bujhe sūraj pe bhī āñgan mirā raushan hī rahtā hai
dahakte hoñ agar jazbe to tābānī nahīñ jaatī
muqaddar kar le apnī sī ham apnī kar guzarte haiñ
muqaddar se ab aise haar bhī maanī nahīñ jaatī
agar aatā huuñ sāhil par to āñdhī gher letī hai
samundar meñ utartā huuñ to tuġhyānī nahīñ jaatī
ye kaise khurdure mausam guzār aayā huuñ maiñ 'anjum'
ki ḳhud mujh se hī merī shakl pahchānī nahīñ jaatī
tahayyur hai bala ka ye pareshani nahin jati
ki tan dhakne pe bhi jismon ki uryani nahin jati
yahan ahd-e-hukumat ijz ka kis taur aaega
ki taj-o-taKHt ki fitrat se sultani nahin jati
bujhe suraj pe bhi aangan mera raushan hi rahta hai
dahakte hon agar jazbe to tabani nahin jati
muqaddar kar le apni si hum apni kar guzarte hain
muqaddar se ab aise haar bhi mani nahin jati
agar aata hun sahil par to aandhi gher leti hai
samundar mein utarta hun to tughyani nahin jati
ye kaise khurdure mausam guzar aaya hun main 'anjum'
ki KHud mujh se hi meri shakl pahchani nahin jati
Source:
Samundar Men Utarta Hon (Pg. 141)
- Author: Anjum Khaliq
-
- Edition: 2004
- Publisher: Khaleeq Publication
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
