tahi-umid mujhe rokna hai KHu kis ki
tahī-umīd mujhe roknā hai ḳhū kis kī
ba-īñ-sadā-e-qadam hai nidā-e-hū kis kī
ye kaun tere sivā kar sakā udaas mujhe
tire ḳhayāl ne chheḌī thī guftugū kis kī
maiñ mutma.in huuñ isī ḳhvāb ḳhvāb sahrā meñ
uḌā rahā huuñ magar ḳhāk-e-ārzū kis kī
koī parind uḌā pīpaloñ ke jhurmuT se
bikhertā gayā chīḳheñ chahār-sū kis kī
had-e-nigāh talak raat kā ḳhalā hai 'arsh'
koī nigāh kare bhī to justujū kis kī
tahi-umid mujhe rokna hai KHu kis ki
ba-in-sada-e-qadam hai nida-e-hu kis ki
ye kaun tere siwa kar saka udas mujhe
tere KHayal ne chheDi thi guftugu kis ki
main mutmain hun isi KHwab KHwab sahra mein
uDa raha hun magar KHak-e-arzu kis ki
koi parind uDa pipalon ke jhurmuT se
bikherta gaya chiKHen chahaar-su kis ki
had-e-nigah talak raat ka KHala hai 'arsh'
koi nigah kare bhi to justuju kis ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
