tahzib ke sawal pe takrar kya karen
tahzīb ke savāl pe takrār kyā kareñ
kaise bachā.eñ jubba-o-dastār kyā kareñ
ḳhūñ-rang surḳhiyoñ kī shikāyat fuzūl hai
hālāt hī kuchh aise haiñ aḳhbār kyā kareñ
kyā kyā ye soch kar nazar-andāz kar diyā
ab zindagī ko aur bhī dushvār kyā kareñ
jugnū mile ḳhulūs se to vo bhī shams hai
be-nūr in charāġhoñ ke ambār kyā kareñ
socho zarā ki kaise ho tā’mīr-e-zindagī
ye zalzaloñ kā shahr hai me'mār kyā kareñ
alfāz ab baratne lage haiñ ġharīb-tar
kam-mā.egī kā daur hai fankār kyā kareñ
tahzib ke sawal pe takrar kya karen
kaise bachaen jubba-o-dastar kya karen
KHun-rang surKHiyon ki shikayat fuzul hai
haalat hi kuchh aise hain aKHbar kya karen
kya kya ye soch kar nazar-andaz kar diya
ab zindagi ko aur bhi dushwar kya karen
jugnu mile KHulus se to wo bhi shams hai
be-nur in charaghon ke ambar kya karen
socho zara ki kaise ho ta’mir-e-zindagi
ye zalzalon ka shahr hai me'mar kya karen
alfaz ab baratne lage hain gharib-tar
kam-maegi ka daur hai fankar kya karen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
