tairte tairte bezar hue Dub gae

tairte tairte bezār hue Duub ga.e

ham mohabbat ke gunahgār hue Duub ga.e

ham ḳhayāloñ meñ tire shaam ko sūraj kī tarah

jab bhī tanhā.ī se bezār hue Duub ga.e

ishq ke bahr meñ jo Duub ga.e paar hue

aur jo log yahāñ paar hue Duub ga.e

tum se pahle bhī ka.ī chāñd yahāñ par ubhre

jo sitāroñ ke gunahgār hue Duub ga.e

tairte tairte bezar hue Dub gae

hum mohabbat ke gunahgar hue Dub gae

hum KHayalon mein tere sham ko suraj ki tarah

jab bhi tanhai se bezar hue Dub gae

ishq ke bahr mein jo Dub gae par hue

aur jo log yahan par hue Dub gae

tum se pahle bhi kai chand yahan par ubhre

jo sitaron ke gunahgar hue Dub gae