takalluf nahīñ ham se zebā tumhārā
tumhāre hamāre hamārā tumhārā
liyā dil to lo jaan bhī kyoñ rahe jī
tamannā hamārī taqāzā tumhārā
ye tasvīr-chehra utar kyoñ gayā hai
khiñche kis se ho kyā hai naqsha tumhārā
na tiir aah kā dast-e-qudrat meñ apne
na shamshīr-e-abrū pe qabza tumhārā
chale ham to hasrat hī le kar raqībo
mubārak rahe tum ko pyārā tumhārā
raqīboñ se laḌne kā qissa na poñchho
fazīhat hamārī tamāshā tumhārā
na tahrīr-e-ḳhat hai na bait abrvīñ haiñ
ye mazmūñ hamārā vo fiqrā tumhārā
maiñ apne hī jazbe kā qaa.il thā lekin
ġhazab hai mirī jaan ġhussa tumhārā
mujhe aur se kyā maiñ āshiq huuñ pyāre
tumhārā tumhārā tumhārā tumhārā
sulaimāñ huuñ par yuuñ agar ḳhaak ho kar
amal meñ ho naqsh-e-kaf-e-pā tumhārā
ḳhafā hote kyoñ ho ki rakhtā hai pyāre
na jazba hamārā na jalva tumhārā
'nasīm' is chaman meñ gul-e-tar kī sūrat
phaTe kapḌe rakhte haiñ parda tumhārā
takalluf nahin hum se zeba tumhaara
tumhaare hamare hamara tumhaara
liya dil to lo jaan bhi kyon rahe ji
tamanna hamari taqaza tumhaara
ye taswir-chehra utar kyon gaya hai
khinche kis se ho kya hai naqsha tumhaara
na tir aah ka dast-e-qudrat mein apne
na shamshir-e-abru pe qabza tumhaara
chale hum to hasrat hi le kar raqibo
mubarak rahe tum ko pyara tumhaara
raqibon se laDne ka qissa na ponchho
fazihat hamari tamasha tumhaara
na tahrir-e-KHat hai na bait abrwin hain
ye mazmun hamara wo fiqra tumhaara
main apne hi jazbe ka qail tha lekin
ghazab hai meri jaan ghussa tumhaara
mujhe aur se kya main aashiq hun pyare
tumhaara tumhaara tumhaara tumhaara
sulaiman hun par yun agar KHak ho kar
amal mein ho naqsh-e-kaf-e-pa tumhaara
KHafa hote kyon ho ki rakhta hai pyare
na jazba hamara na jalwa tumhaara
'nasim' is chaman mein gul-e-tar ki surat
phaTe kapDe rakhte hain parda tumhaara
Source:
Deewan-e-Naseem (Pg. 5)
-
Author:
Pandit Daya Shankar Naseem Lakhnawi
-
- Publisher: Matba Gulshan-e-Faiz, Lucknow
- Year of Publication: 1895
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.