taKHt-e-dil pe jo hukmrani hai

taḳht-e-dil pe jo hukmrānī hai

surḳh-rū hone kī nishānī hai

baap ke dil pe ik girānī hai

ghar meñ beTī jo ik siyānī hai

pyāse hoñToñ pe aab rakhne kī

apnī 'ādat baḌī purānī hai

apne hone kī de rahā hai sanad

ye jo dariyāoñ meñ ravānī hai

ye faqīroñ kī bastiyāñ haiñ yahāñ

haq-bayānī hī haq-bayānī hai

us meñ ādāb-e-nafsiyātī haiñ

vo koī shaḳhs ḳhāndānī hai

is pe bandoñ kā bas nahīñ chaltā

ye balā koī āsmānī hai

maiñ ne likkhī thī zindagī apnī

sab samajhte haiñ ye kahānī hai

ham to qaa.il haiñ ruuh ke 'rānā'

jism kuchh bhī nahīñ ye faanī hai

taKHt-e-dil pe jo hukmrani hai

surKH-ru hone ki nishani hai

bap ke dil pe ek girani hai

ghar mein beTi jo ek siyani hai

pyase honTon pe aab rakhne ki

apni 'adat baDi purani hai

apne hone ki de raha hai sanad

ye jo dariyaon mein rawani hai

ye faqiron ki bastiyan hain yahan

haq-bayani hi haq-bayani hai

us mein aadab-e-nafsiyati hain

wo koi shaKHs KHandani hai

is pe bandon ka bas nahin chalta

ye bala koi aasmani hai

main ne likkhi thi zindagi apni

sab samajhte hain ye kahani hai

hum to qail hain ruh ke 'rana'

jism kuchh bhi nahin ye fani hai