talash-e-kaun-o-makan hai na la-makan ki talash
talash-e-kaun-o-makan hai na la-makan ki talash
Masood Akhtar Jamal
MORE BYMasood Akhtar Jamal
talāsh-e-kaun-o-makāñ hai na lā-makāñ kī talāsh
ye zindagī hai ġham-e-ishq-e-jāvedāñ kī talāsh
isī zamīñ ko hameñ āsmāñ banānā hai
hameñ nahīñ hai kisī aur āsmāñ kī talāsh
kisī ko manzil-e-ishrat kā ġham hai aur mujhe
huī hai manzil-e-ishrat pe kārvāñ kī talāsh
ye ḳhvāb hai ki hai tābīr-e-ḳhvāb ai ġham-e-dil
har ik qadam hai yahāñ umr-e-rā.egāñ kī talāsh
bahār-e-lāla-o-gul barq-e-be-amāñ niklī
kahāñ kahāñ na rahī mere āshiyāñ kī talāsh
jo ho sake to mirā ġham hī jāvedāñ ho jaa.e
'jamāl' mujh ko nahīñ aish-e-jāvedāñ kī talāsh
talash-e-kaun-o-makan hai na la-makan ki talash
ye zindagi hai gham-e-ishq-e-jawedan ki talash
isi zamin ko hamein aasman banana hai
hamein nahin hai kisi aur aasman ki talash
kisi ko manzil-e-ishrat ka gham hai aur mujhe
hui hai manzil-e-ishrat pe karwan ki talash
ye KHwab hai ki hai tabir-e-KHwab ai gham-e-dil
har ek qadam hai yahan umr-e-raegan ki talash
bahaar-e-lala-o-gul barq-e-be-aman nikli
kahan kahan na rahi mere aashiyan ki talash
jo ho sake to mera gham hi jawedan ho jae
'jamal' mujh ko nahin aish-e-jawedan ki talash
Source:
Rooh-e-Ghazal,Pachas Sala Intekhab (Pg. 295)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
