talash jin ki hai wo din zarur aaenge
talāsh jin kī hai vo din zarūr ā.eñge
ye aur baat sahī ham na dekh pā.eñge
yaqīñ to hai ki khulegā na khul sakā bhī agar
dar-e-bahār pe dastak diye hī jā.eñge
ġhunūda rāhoñ ko tak tak ke sogvār na ho
tire qadam hī musāfir inheñ jagā.eñge
laboñ kī maut se bad-tar hai fikr-o-jazb kī maut
kidhar haiñ vo jo unheñ maut se bachā.eñge
tavīl raat bhī āḳhir ko ḳhatm hotī hai
'sharīf' ham na añdheroñ se maat khā.eñge
talash jin ki hai wo din zarur aaenge
ye aur baat sahi hum na dekh paenge
yaqin to hai ki khulega na khul saka bhi agar
dar-e-bahaar pe dastak diye hi jaenge
ghunuda rahon ko tak tak ke sogwar na ho
tere qadam hi musafir inhen jagaenge
labon ki maut se bad-tar hai fikr-o-jazb ki maut
kidhar hain wo jo unhen maut se bachaenge
tawil raat bhi aaKHir ko KHatm hoti hai
'sharif' hum na andheron se mat khaenge
Source:
Funoon(Jadeed Ghazal Number: Volume-002) (Pg. 191)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
