talash se na kisi bhi hisab se milta

talāsh se na kisī bhī hisāb se miltā

sukūn vo jo tire ik javāb se miltā

vo mere hone se bhī ijtināb kartā thā

mujhe ḳhushī se nahīñ iztirāb se miltā

use to log mayassar the achchhe achchhe log

sabhī ko chhoḌ ki ab mujh ḳharāb se miltā

tirā ḳhayāl jo miltā ḳhayāl se mere

usī nagar meñ to har ḳhvāb ḳhvāb se miltā

talash se na kisi bhi hisab se milta

sukun wo jo tere ek jawab se milta

wo mere hone se bhi ijtinab karta tha

mujhe KHushi se nahin iztirab se milta

use to log mayassar the achchhe achchhe log

sabhi ko chhoD ki ab mujh KHarab se milta

tera KHayal jo milta KHayal se mere

usi nagar mein to har KHwab KHwab se milta