talatum hai na jaan-lewa bhanwar hai
talātum hai na jāñ-levā bhañvar hai
ki bahr-e-maslahat ab mustaqar hai
dar-e-sayyād par barpā hai mātam
qafas meñ jab se zikr-e-bāl-o-par hai
takallum kā karishma ab dikhā do
tumhārī ḳhāmushī meñ shor-o-shar hai
karūñ kyā ārzū-e-sarfarāzī
ki jab neze pe har pal merā sar hai
milī mohlat to dil meñ jhāñk lūñgā
abhī to zehn par merī nazar hai
chaḌhe dariyā meñ TuuTī naav khenā
kahānī zindagī kī muḳhtasar hai
agar saudā rahe sar meñ to 'arshad'
har ik dīvār ke siine meñ dar hai
talatum hai na jaan-lewa bhanwar hai
ki bahr-e-maslahat ab mustaqar hai
dar-e-sayyaad par barpa hai matam
qafas mein jab se zikr-e-baal-o-par hai
takallum ka karishma ab dikha do
tumhaari KHamushi mein shor-o-shar hai
karun kya aarzu-e-sarfaraazi
ki jab neze pe har pal mera sar hai
mili mohlat to dil mein jhank lunga
abhi to zehn par meri nazar hai
chaDhe dariya mein TuTi naw khena
kahani zindagi ki muKHtasar hai
agar sauda rahe sar mein to 'arshad'
har ek diwar ke sine mein dar hai
Source:
Dhoop ke Paudey (Pg. 75)
- Author: Arshad Kamal
-
- Edition: 2008
- Publisher: Arshad Kamal
- Year of Publication: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
