talab aasudgi ki arsa-e-duniya mein rakhte hain

Zaheer Kashmiri

talab aasudgi ki arsa-e-duniya mein rakhte hain

Zaheer Kashmiri

MORE BYZaheer Kashmiri

    talab āsūdgī arsa-e-duniyā meñ rakhte haiñ

    umīd-e-fasl-e-gul hai aur qadam sahrā meñ rakhte haiñ

    hue haiñ is qadar mānūs ham paimān-e-fardā se

    ki ab dil safīna hijr ke dariyā meñ rakhte haiñ

    bashar ko dekhiye bā-īñ-hama sāhil pe martā hai

    hubāb apnā asāsa sail-e-be-parvā meñ rakhte haiñ

    hamāre paas koī gardish-e-daurāñ nahīñ aatī

    ham apnī umr-e-fānī sāġhar-o-mīnā meñ rakhte haiñ

    hameñ har gaam par miltā rahā ezāz-e-mahrūmī

    vaqār apnā bahut ham dīda-e-duniā meñ rakhte haiñ

    umīdoñ ke khañDar māyūsiyoñ ke dam-ba-ḳhud saa.e

    baḌī raunaqeñ ham is dil-e-tanhā meñ rakhte haiñ

    hamāre daur ke insān ḳhud apnī zid nikle

    talab maazī hotī hai qadam fardā meñ rakhte haiñ

    'zahīr' in dil-zadoñ azmateñ dekho ye parvāne

    charāġh-e-ishq raushan vaadī o sahrā meñ rakhte haiñ

    talab aasudgi ki arsa-e-duniya mein rakhte hain

    umid-e-fasl-e-gul hai aur qadam sahra mein rakhte hain

    hue hain is qadar manus hum paiman-e-farda se

    ki ab dil ka safina hijr ke dariya mein rakhte hain

    bashar ko dekhiye ba-in-hama sahil pe marta hai

    hubab apna asasa sail-e-be-parwa mein rakhte hain

    hamare pas koi gardish-e-dauran nahin aati

    hum apni umr-e-fani saghar-o-mina mein rakhte hain

    hamein har gam par milta raha ezaz-e-mahrumi

    waqar apna bahut hum dida-e-dunia mein rakhte hain

    umidon ke khanDar mayusiyon ke dam-ba-KHud sae

    baDi hi raunaqen hum is dil-e-tanha mein rakhte hain

    hamare daur ke insan KHud apni hi zid nikle

    talab mazi ki hoti hai qadam farda mein rakhte hain

    'zahir' in dil-zadon ki azmaten dekho ye parwane

    charagh-e-ishq raushan wadi o sahra mein rakhte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY