talKH kar len zindagi kyon fikr-e-mustaqbil se hum

talḳh kar leñ zindagī kyoñ fikr-e-mustaqbil se ham

baaz aa.e is junūn-e-sa.ī-e-lā-hāsil se ham

ye haram ye dair ye hosh-o-ḳhirad kī gumrahī

har qadam kuchh duur hī hote ga.e manzil se ham

intihā-e-shauq meñ Duube hue kho.e hue

terī mahfil meñ bhī kitnī duur haiñ mahfil se ham

hasrat-e-sāhil bhī thī tūfāñ se jab tak duur the

Duub kar ubhre to ab bezār haiñ sāhil se ham

ye musalsal be-hisī uftādgī farsūdgī

ḳhuub haiñ tūfāñ meñ 'qaisar' dūrī-e-sāhil se ham

talKH kar len zindagi kyon fikr-e-mustaqbil se hum

baz aae is junun-e-sai-e-la-hasil se hum

ye haram ye dair ye hosh-o-KHirad ki gumrahi

har qadam kuchh dur hi hote gae manzil se hum

intiha-e-shauq mein Dube hue khoe hue

teri mahfil mein bhi kitni dur hain mahfil se hum

hasrat-e-sahil bhi thi tufan se jab tak dur the

Dub kar ubhre to ab bezar hain sahil se hum

ye musalsal be-hisi uftadgi farsudgi

KHub hain tufan mein 'qaisar' duri-e-sahil se hum