talKHi-e-gham ka jo hai mukammal jawab la

talḳhī-e-ġham kā jo hai mukammal javāb lā

ya.anī sharāb lā mire saaqī sharāb lā

miT jaa.eñ jis se gardish-e-daurāñ kī talḳhiyāñ

vo jām-e-ḳhush-gavār milā kar gulāb lā

vo mai ki jis se har ġham-o-andoh-o-yās kā

ho jaa.e hashr tak ke liye sadd-e-bāb lā

pī kis qadar piyūñgā abhī kis qadar na pūchh

de pahle is kā ba.ad ko lenā hisāb lā

kaalī ghaTā kī tujh ko qasam jān-e-mai-kada

tāḳhīr kar na bahr-e-ḳhudā lā shitāb lā

vo dekh sar pe chādar-e-rahmat hai zau-fagan

chhā.ī hai mai-kade pe ridā-e-sahāb lā

rāz-e-hayāt-o-maut kā uqda jo khol de

mil jaa.e jis se ḳhvāb meñ tābīr ḳhvāb lā

aisī na ho ki pī ke banūñ aur muttahim

bātil-shikan ho jo vo haqīqat-e-ma.āb lā

saaqī ġharaz ye tujh se guzārish hai 'barq' kī

āñkhoñ se jo uThā de duī kā hijāb lā

talKHi-e-gham ka jo hai mukammal jawab la

yani sharab la mere saqi sharab la

miT jaen jis se gardish-e-dauran ki talKHiyan

wo jam-e-KHush-gawar mila kar gulab la

wo mai ki jis se har gham-o-andoh-o-yas ka

ho jae hashr tak ke liye sadd-e-bab la

pi kis qadar piyunga abhi kis qadar na puchh

de pahle is ka baad ko lena hisab la

kali ghaTa ki tujh ko qasam jaan-e-mai-kada

taKHir kar na bahr-e-KHuda la shitab la

wo dekh sar pe chadar-e-rahmat hai zau-fagan

chhai hai mai-kade pe rida-e-sahab la

raaz-e-hayat-o-maut ka uqda jo khol de

mil jae jis se KHwab mein tabir KHwab la

aisi na ho ki pi ke banun aur muttahim

baatil-shikan ho jo wo haqiqat-e-maab la

saqi gharaz ye tujh se guzarish hai 'barq' ki

aankhon se jo uTha de dui ka hijab la