talKHi-e-gham mere ehsas ka sarmaya hai

Urooj Zaidi Badayuni

talKHi-e-gham mere ehsas ka sarmaya hai

Urooj Zaidi Badayuni

MORE BYUrooj Zaidi Badayuni

    talḳhī-e-ġham mire ehsās sarmāyā hai

    husn se maiñ ne ye in.ām-e-vafā paayā hai

    jab kabhī ishrat-e-rafta ḳhayāl aayā hai

    maiñ nai pahroñ dil-e-be-tāb ko samjhāyā hai

    haa.e ye be-ḳhudī ishq ko ma.alūm nahīñ

    kaun aayā hai kab aayā hai kahāñ aayā hai

    dil ko sīmāb sifat kah ke guzarne vaale

    ḳhud pe taḌpā hai ki ne use taḌpāyā hai

    kāfir-e-ishq na samjhūñ to use kyā samjhūñ

    mere iḳhlās ko ik dost ne Thukrāyā hai

    apnī is haar ko maiñ jiit na kyuuñ kar samjhūñ

    ḳhud ko khoyā hai to ai dost tujhe paayā hai

    tum mire hāl-e-pareshāñ pe na tanqīd karo

    tum ne dāman kabhī kāñToñ meñ bhī uljhāyā hai

    manzil-e-dil bhī vahī kū-e-malāmat bhī vahī

    ishq jazba-e-be-tāb kahāñ laayā hai

    aañkh jhapkegī to shīrāza bikhar jā.egā

    kis āvāz thī jis ne mujhe chauñkāyā hai

    jis ko kahte haiñ ġhazal us badaulat 'urūj'

    ruḳh-e-urdu pe ye rañg aur nikhār aayā hai

    talKHi-e-gham mere ehsas ka sarmaya hai

    husn se main ne ye inam-e-wafa paya hai

    jab kabhi ishrat-e-rafta ka KHayal aaya hai

    main nai pahron dil-e-be-tab ko samjhaya hai

    hae ye be-KHudi ishq ko malum nahin

    kaun aaya hai kab aaya hai kahan aaya hai

    dil ko simab sifat kah ke guzarne wale

    KHud pe taDpa hai ki tu ne use taDpaya hai

    kafir-e-ishq na samjhun to use kya samjhun

    mere iKHlas ko ek dost ne Thukraya hai

    apni is haar ko main jit na kyun kar samjhun

    KHud ko khoya hai to ai dost tujhe paya hai

    tum mere haal-e-pareshan pe na tanqid karo

    tum ne daman kabhi kanTon mein bhi uljhaya hai

    manzil-e-dil bhi wahi ku-e-malamat bhi wahi

    ishq ka jazba-e-be-tab kahan laya hai

    aankh jhapkegi to shiraaza bikhar jaega

    kis ki aawaz thi jis ne mujhe chaunkaya hai

    jis ko kahte hain ghazal us ki badaulat hi 'uruj'

    ruKH-e-urdu pe ye rang aur nikhaar aaya hai

    Source:

    • Book : Lahje ke Chiraag (Pg. 67)
    • Author : Urooj Zaidi
    • Publication : Irfan Zaidi, Rampur (1989)
    • Edition : 1989
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY