talKHi jo mere dil mein gham-e-zist ne gholi

talḳhī jo mire dil meñ ġham-e-zīst ne gholī

vo maiñ ne tamanna kī halāvat meñ samo lī

chhiḌkā mire dāman pe mirā ḳhūn-e-tamannā

kyā aise hī hotī hai tire raaj meñ holī

pakḌā hī gayā chor tavajjoh kā sar-e-bazm

khelī thī nigāhoñ se mirī āñkh-micholī

yuuñ mast nigāhoñ se na kar dast-darāzī

pairāhan-e-tamkīñ kī masak jaa.e na cholī

jo us ke irāde meñ na marham thī na nashtar

maiñ ne vo nazar aap hī siine meñ chubho lī

gulshan thā na mahfil thī na saaqī thā na 'maikash'

jhapkā ke zarā maiñ ne palak aañkh jo kholī

talKHi jo mere dil mein gham-e-zist ne gholi

wo main ne tamanna ki halawat mein samo li

chhiDka mere daman pe mera KHun-e-tamanna

kya aise hi hoti hai tere raj mein holi

pakDa hi gaya chor tawajjoh ka sar-e-bazm

kheli thi nigahon se meri aankh-micholi

yun mast nigahon se na kar dast-daraazi

pairahan-e-tamkin ki masak jae na choli

jo us ke irade mein na marham thi na nashtar

main ne wo nazar aap hi sine mein chubho li

gulshan tha na mahfil thi na saqi tha na 'maikash'

jhapka ke zara main ne palak aankh jo kholi