tamam muddat tu jis ki KHatir KHuda raha hai

tamām muddat tū jis kī ḳhātir ḳhudā rahā hai

vo ab mire dar pe aa ke sar ko jhukā rahā hai

dikhā rahā thā maiñ jis ko manzil kī kab se rāheñ

vo baḌh ke aage mire hī raste meñ aa rahā hai

ḳhudā ko maano na maano vo sab tumhārī marzī

magar koī hai yahāñ jo sab kuchh chalā rahā hai

maiñ ab yahāñ pe dobāra aane se Dar rahā huuñ

aur ek tū hai jo is ko duniyā batā rahā hai

nigāh baḳhshī hai jis ko maiñ ne dikhā.ī duniyā

vo aaj dekho mujhī ko āñkheñ dikhā rahā hai

tumheñ banā ke bachī jo miTTī ḳhudā usī se

hasīn logoñ ke saare zevar banā rahā hai

tamam muddat tu jis ki KHatir KHuda raha hai

wo ab mere dar pe aa ke sar ko jhuka raha hai

dikha raha tha main jis ko manzil ki kab se rahen

wo baDh ke aage mere hi raste mein aa raha hai

KHuda ko mano na mano wo sab tumhaari marzi

magar koi hai yahan jo sab kuchh chala raha hai

main ab yahan pe dobara aane se Dar raha hun

aur ek tu hai jo is ko duniya bata raha hai

nigah baKHshi hai jis ko main ne dikhai duniya

wo aaj dekho mujhi ko aankhen dikha raha hai

tumhein bana ke bachi jo miTTi KHuda usi se

hasin logon ke sare zewar bana raha hai