tamam shahr ki KHatir chaman se aate hain
tamām shahr kī ḳhātir chaman se aate haiñ
hamāre phuul kisī ke badan se aate haiñ
ham un laboñ se lagā kar raheñge lab apne
suḳhan tamām usī anjuman se aate haiñ
paḌā huuñ us ke badan ke bides meñ kab se
maiñ kyā paḌhūñ jo ye naame vatan se aate haiñ
ki jaise taptā tavā aur buuñd paanī kī
zamīñ pe ham bhī usī tarah chhan se aate haiñ
ham āp-bītī sunāte haiñ saada lafzoñ meñ
ye saare sher hameñ tark-e-fan se aate haiñ
zamāne-bhar se hai 'ehsās-jī' kī chaal alag
har ek bazm meñ vo bad-chalan se aate haiñ
tamam shahr ki KHatir chaman se aate hain
hamare phul kisi ke badan se aate hain
hum un labon se laga kar rahenge lab apne
suKHan tamam usi anjuman se aate hain
paDa hun us ke badan ke bides mein kab se
main kya paDhun jo ye name watan se aate hain
ki jaise tapta tawa aur bund pani ki
zamin pe hum bhi usi tarah chhan se aate hain
hum aap-biti sunate hain sada lafzon mein
ye sare sher hamein tark-e-fan se aate hain
zamane-bhar se hai 'ehsas-ji' ki chaal alag
har ek bazm mein wo bad-chalan se aate hain
Source:
Mohabbat Kar Ke Dekho Na (Pg. 108)
- Author: Farhat Ehsas
-
- Edition: First
- Publisher: Rekhta Publications
- Year of Publication: 2019
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
