tamam umr hi wahm-o-guman mein guzri
tamām umr hī vahm-o-gumān meñ guzrī
mirī to pyaas sarāboñ ke dhyān meñ guzrī
maiñ chāñdnī thī zamīñ par utar hī aanā thā
vo Thahrā chāñd to shab āsmān meñ guzrī
galī meñ ishq kī mahñgā thā vasl kā bañgla
to saañs hijr ke saste makān meñ guzrī
kahāñ pe kartī hai sarkār-e-dil ri.āyat kuchh
kamā.ī ishq kī saarī lagān meñ guzrī
ye umr aadhī to kār-e-jahāñ meñ biit ga.ī
bachī thī vo bhī safar kī thakān meñ guzrī
tamam umr hi wahm-o-guman mein guzri
meri to pyas sarabon ke dhyan mein guzri
main chandni thi zamin par utar hi aana tha
wo Thahra chand to shab aasman mein guzri
gali mein ishq ki mahnga tha wasl ka bangla
to sans hijr ke saste makan mein guzri
kahan pe karti hai sarkar-e-dil riayat kuchh
kamai ishq ki sari lagan mein guzri
ye umr aadhi to kar-e-jahan mein bit gai
bachi thi wo bhi safar ki thakan mein guzri
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
